AQSH Adliya vazirligi General Motors kompaniyasini avtomobillarning o‘t oldirish tizimidagi nosozlikni qasddan yashirganlikda gumon qilmoqda. The New York Times’ning yozishicha, kamida 104 kishining o‘limiga sabab bo‘lgan mazkur nosozlik ortidan kompaniyaga rekord darajada katta jarima solinishi mumkin.
Nyu-York prokuraturasi va Federal tergov byurosining bir yildan ortiq davom etgan surishtiruvlari ma’lumotlariga ko‘ra, General Motors 2009-yilda o‘zini bankrot deb topilishi vaqtida avtomobillarning o‘t oldirish tizimida nosozlik borligi haqidagi axborotni yashirib, qonunni buzgan.
Hozirgacha General Motors’ning 2014-yilda ishdan olingan xodimlari tergov qilingan. Prokurorlar General Motors o‘z aybini tan olishi uchun avtokonsern vakillari bilan muzokaralar olib bormoqda. Qayd etishlaricha, kompaniyaning tergov bilan hamkorlik qilishga tayyorligi jazoni yengillashtirishi mumkin.
Nashr ma’lumotlariga ko‘ra, General Motors’ga miqdori 1,2 milliard dollardan oshib ketishi mumkin bo‘lgan jarima solinishi mumkin. O‘tgan yili Toyota kompaniyasi iste’molchilarni aldagani va kamchiliklarni o‘z vaqtida bartaraf etmagani uchun shuncha miqdordagi jarimaga tortilgandi.
Izoh (0)