Корея Республикаси апрель ойида Непалда содир бўлган кучли ер қимирлаши оқибатида вайрон бўлган объектларни тиклаш ишларига 10 миллион доллар ажратади, деб хабар қилади ТАСС.
«Ҳукумат бу пуллар Непал халқига офат оқибатларини тезроқ бартараф этиш ва мамлакат инфратузилмасини қайта тиклаш ишларига ёрдам беришига умид қилмоқда», — дейилади Жанубий Корея ТИВ хабарида.
Пуллар харобаларни тозалаш, янги бинолар қуриш, бундан ташқари жабрланганларга тиббий ёрдам кўрсатишга сарфланади.
Олдинроқ Корея Республикаси Непалга 1,48 миллион доллар ёрдам пули ҳамда 48 нафар қутқарувчи ва шифокорларни жўнатганди.
25 апрель куни Непал пойтахти Катмандуда юз берган 7,9 балли зилзила натижасида 8 мингдан ортиқ киши ҳалок бўлди, 14 мингдан ортиқ одам жабрланди.
Изоҳ (0)