Ҳиндистон шимоли-ғарбидаги Рожастон штатида юз берган қум бўрони туфайли 9 киши ҳалок бўлди, деб хабар қилади «РИА Новости».
«Катта тезликдаги шамол Биканер туманида бўронга айланган ҳамда Жодхпур, Жайпур, Альвара, Бхаратпур ва яқин атрофдаги туманларга ёйилган», — деди Жайпурдаги Ҳиндистон метеорология департаменти вакили.
Бўрон бир соатга яқин давом этган. Энг кўп талафот кўрган Бхаратпур туманида 5 киши ҳалок бўлган. Улардан уч нафари қулаб тушган девор харобалари остида қолиб кетган.
Полиция маълумотларига кўра, шамол шу қадар кучли бўлганки, дарахтларни илдизи билан суғуриб ташлаган. Кўплаб уйлар ва йўллар бузилган, электр таъминотида эса узилишлар кузатилмоқда.
Штат бош вазири Васудҳара Раже жабрланганлар учун 400 минг рупия (тахминан 6 минг доллар) товон пули беришга қарор қилди.
Изоҳ (0)