Burundi prezidenti Pyer Nkurunziza mamlakat razvedkasining sobiq rahbari general-mayor Godfrua Niyombare tarafdorlari tomonidan davlat to‘ntarishiga urinishdan so‘ng birinchi marta mamlakat poytaxtida jurnalistlar qarshisiga chiqdi. Bu haqda “TASS” xabar bermoqda.
Associated Press yozishicha, Nkurunziza Bujumburadagi saroyi balkonida ko‘rinish bergan. 17-may, yakshanba kuni poytaxt markazida tinch vaziyat hukm surgan.
Avvalroq Burundidagi davlat to‘ntarilishi tashkilotchilaridan biri ularning urinishlari muvaffaqiyatsizlikka uchraganini tan olgan edi.
Eslatib o‘tamiz, Afrika qit’asida joylashgan Burundi davlatida harbiy davlat to‘ntarishiga urinish bo‘lgan, keyinroq u bostirilgan edi.
13-maydan 14-mayga o‘tar kechasi politsiya kiyimidagi noma’lum shaxslar ikkita xususiy radiostanisya va telekanalni egallab, general Godfrua Niyombare nomidan Nkurunziza uchinchi marta prezidentlik saylovida ishtirok etish istagini bildirib, Konstitutsiyani buzgani uchun hokimiyatdan chetlatilishi haqidagi murojaatni o‘qib eshittirgan.
O‘sha paytda Tanzaniyada bo‘lib o‘tayotgan Afrika davlatlari rahbarlari sammitida ishtirok etayotgan Burundi prezidenti Pyer Nkurunziza o‘zining Twitter’dagi sahifasida mamlakat aholisini xotirjamlikka chaqirib post joylashtirgan.
14-may, payshanba kuni prezident mamlakatga qaytib kelgan.
Izoh (0)