AQSh davlat departamenti AQSh davlat kotibi yordamchisi Viktoriya Nulandni Moskvaga yubordi. U 17-may, yakshanba kuni Rossiya poytaxtiga yetib kelishi kerak, deb xabar beradi “RBK”.
Nuland Moskvaga Kiyevdan uchib keladi. Ukraina poytaxtida u mamlakat prezidenti Pyotr Poroshenko bilan muzokara o‘tkazdi. AQSh davlat departamentining rasmiy bayonotida yozilishicha, Nuland Rossiyada Minsk kelishuvining bajarilishini Rossiyaning rasmiy vakillari bilan muhokama qiladi.
Tashrif doirasida Rossiya va AQSh munosabatlarining boshqa jihatlari ham muhokama etiladi va fuqarolik jamiyati vakillari bilan uchrashuv tashkil qilinadi. Hozircha Nuland aynan kimlar bilan muzokara olib borishi aytilmayapti.
14—16-may kunlari Kiyevga tashrifi davomida Nuland Poroshenkoga “AQSh Ukrainaning ishonchli va sodiq sherigi” ekanligini ta’kidladi.
Nulanddan oldin Rossiyaga Jon Kerri tashrif buyurgandi. AQSh davlat kotibi Sochida Rossiya prezidenti Vladimir Putin bilan uchrashgandi.
Izoh (0)