Buxoro viloyat hokimligi, “O‘zbekturizm” milliy kompaniyasi Buxoro mintaqaviy bo‘limi tomonidan viloyatning turistik brendi (logo va shiori)ni ishlab chiqish bo‘yicha ko‘rik-tanlov e’lon qilindi. Bu haqda “O‘zbekturizm” matbuot xizmati xabar berdi.
Tanlov Buxoro viloyat turistik salohiyatini dunyoga tanitish, targ‘ibot va tashviqot ishlarini olib borish, hududda yagona turistik bredning shakllanishi bilan birga uni dunyoga keng targ‘ib qilish, tarixiy va madaniy meroslarni, mamlakatdagi mehmonnovozlikni o‘zida aks ettirgan brend yaratish maqsadida tashkil etiladi.
Buxoro viloyatining turistik brendi (logo va shiori)ni ishlab chiqish bo‘yicha ko‘rik-tanlovining “Eng zo‘r turistik brend” hamda “Eng zo‘r turistik brend shiori” nominatsiyalari g‘oliblari tanlanadi.
Ko‘rik-tanlov uchun arizalar 2015-yilning 15-aprelidan 15-avgustiga qadar “O‘zbekturizm” milliy kompaniyasi Buxoro mintaqaviy bo‘limida qabul qilinadi.
Ko‘rik-tanlov 2015-yil 4—5-sentabr kunlari Buxoro shahrida o‘tkaziladi.
Izoh (0)