15-may kuni Toshkentdagi Amir Temur xiyobonida Mercedes-Benz rusumidagi avtobus yonib ketdi. Bu haqda Facebook’dagi “Obshchestvenniy kontrol” guruhi a’zolari xabar berdi.
Post foydalanuvchilar orasida katta bahs-munozaraga sabab bo‘ldi. Ko‘pchilik bu Toshkentda avtobuslar yonib ketishi bilan bog‘liq birinchi hodisa emasligi, biroq shunday bo‘lsa-da, hech qanday chora-tadbirlar ko‘rilmayotganidan norozi bo‘lgan.
Guruh a’zolari mas’ul shaxslarni avtobuslar o‘z vaqtida texnik ko‘rikdan o‘tkazib turilishini ta’minlashga da’vat etgan.
Jamoat transportidagi yong‘in natijasida jabrlanganlar bor-yo‘qligi noma’lum. Alanga o‘t o‘chiruvchilar tomonidan bartaraf etilgan.
“UZ24” yozishicha, avtobus yo‘nalishi raqami 51 bo‘lgan.
Izoh (0)