Бухоро вилоят ҳокимлиги, «Ўзбектуризм» миллий компанияси Бухоро минтақавий бўлими томонидан вилоятнинг туристик бренди (лого ва шиори)ни ишлаб чиқиш бўйича кўрик-танлов эълон қилинди. Бу ҳақда «Ўзбектуризм» матбуот хизмати хабар берди.
Танлов Бухоро вилоят туристик салоҳиятини дунёга танитиш, тарғибот ва ташвиқот ишларини олиб бориш, ҳудудда ягона туристик бреднинг шаклланиши билан бирга уни дунёга кенг тарғиб қилиш, тарихий ва маданий меросларни, мамлакатдаги меҳмонновозликни ўзида акс эттирган бренд яратиш мақсадида ташкил этилади.
Бухоро вилоятининг туристик бренди (лого ва шиори)ни ишлаб чиқиш бўйича кўрик-танловининг «Энг зўр туристик бренд» ҳамда «Энг зўр туристик бренд шиори» номинациялари ғолиблари танланади.
Кўрик-танлов учун аризалар 2015 йилнинг 15 апрелидан 15 августига қадар «Ўзбектуризм» миллий компанияси Бухоро минтақавий бўлимида қабул қилинади.
Кўрик-танлов 2015 йил 4—5 сентябрь кунлари Бухоро шаҳрида ўтказилади.
Изоҳ (0)