Rossiyada biror kishining Kreytsfeldt-Yakob hastaligi (KYH) bilan kasallangani bilan bog‘liq holat ilk bor jamoatchilikka ma’lum qilingani holda qayd etildi. Bu haqda Meduza.io xabar bermoqda.
Moskva shahrida yashovchi 66 yoshli ayol – Tatyana Kostrikovaning ahvoli 2015-yilning aprel oyida yomonlashishni boshlab (unda sarob boshlangan, madorsizlangan), aprel oyi arafasida esa yurishni, gapirishni va ovqatlanishni to‘xtatgan va yaqinlarini tanimay qolgan.
Ayol zaruriy tibbiy yordamni ololmayapti: Meduza.io’ning yozishicha, Moskva shahridagi kasalxonalar “tegishli uskunalar” yo‘qligi sabab kamyob hastalik bilan kasallangan ayolga g‘amxo‘rlik qilishdan bosh tortishmoqda.
Kreytsfeldt-Yakob hastaligi muntazam ravishda o‘lat va Sibir kuydirgisi, Ebola va Marburg viruslari bilan bir qatorda “Yer sayyorasidagi eng qiruvchi va eng xavfli kasalliklar” ro‘yxatini boshqarib keladi.
Statistik ma’lumotlarga ko‘ra, 1990-yildan beri Buyuk Britaniyada 2047 kishi, Kanadada 1997-yildan 1547 kishi ushbu hastalik bilan kasallangani qayd etilgan, AQSHda esa har yili 300ga yaqin odam shu kasallik ortidan vafot etadi.
Oxir-oqibat o‘limga olib boruvchi va juda kamyob hisoblangan ushbu kasallik bosh miyani to‘liq ishdan chiqaradi. Kasallikning davosi yo‘q, kasallikning faol bosqichi boshlanganidan so‘ng inson taxminan sakkiz-to‘qqiz oy ichida vafot etadi.
Izoh (0)