Россияда жаҳондаги энг хавфли инфекция билан касалланганлик ҳолати ҳақида илк бор оммага маълум қилинди

Россияда бирор кишининг Крейцфелдт-Якоб ҳасталиги (КЯҲ) билан касаллангани билан боғлиқ ҳолат илк бор жамоатчиликка маълум қилингани ҳолда қайд этилди. Бу ҳақда Meduza.io хабар бермоқда.

Москва шаҳрида яшовчи 66 ёшли аёл – Татяна Кострикованинг аҳволи 2015 йилнинг апрель ойида ёмонлашишни бошлаб (унда сароб бошланган, мадорсизланган), апрель ойи арафасида эса юришни, гапиришни ва овқатланишни тўхтатган ва яқинларини танимай қолган.

Аёл зарурий тиббий ёрдамни ололмаяпти: Meduza.io’нинг ёзишича, Москва шаҳридаги касалхоналар «тегишли ускуналар» йўқлиги сабаб камёб ҳасталик билан касалланган аёлга ғамхўрлик қилишдан бош тортишмоқда.

Крейцфелдт-Якоб ҳасталиги мунтазам равишда ўлат ва Сибирь куйдиргиси, Эбола ва Марбург вируслари билан бир қаторда «Ер сайёрасидаги энг қирувчи ва энг хавфли касалликлар» рўйхатини бошқариб келади.

Статистик маълумотларга кўра, 1990 йилдан бери Буюк Британияда 2047 киши, Канадада 1997 йилдан 1547 киши ушбу ҳасталик билан касаллангани қайд этилган, АҚШда эса ҳар йили 300га яқин одам шу касаллик ортидан вафот этади.

Охир-оқибат ўлимга олиб борувчи ва жуда камёб ҳисобланган ушбу касаллик бош мияни тўлиқ ишдан чиқаради. Касалликнинг давоси йўқ, касалликнинг фаол босқичи бошланганидан сўнг инсон тахминан саккиз-тўққиз ой ичида вафот этади.