Amerikalik Jey va Kateri Shvandtlar oilasi a’zolari soni yana bittaga ko‘paydi – 13-o‘g‘il farzand dunyoga keldi. Nur.kz’ning xabar berishicha, bu oilada birorta qiz farzand yo‘q.
Michigan shtatining Grand-Rapids shahrida istiqomat qiluvchi Shvandtlar oilasining yangi a’zosi chorshanba kuni dunyoga keldi. Oilaviy an’anaga ko‘ra, er-xotin bo‘lajak farzand jinsini oldindan bilishga urinmadi.
“Agar qiz farzand tug‘ilsa, qanday ahvolga tushishimni tasavvur ham qilolmayman, deb o‘ylayotgandim”, - dedi 40 yoshli Jey Shvandt 13-o‘g‘li dunyoga kelganidan so‘ng.
Er-xotinlarning to‘ng‘ich o‘g‘li Tayler 22 yoshda, undan keyingilari – Zak 19, Dryu 18, Brendon 16, Tommi 13, Vinni 12, Kelvin 10, Geybu 8, Uesli 6, Charli 5, Lyuk 3 yoshda va Taker 21 oylik.
Ota-ona hozirgi vaqtda yangi tug‘ilgan chaqaloq ism tanlash ustida bosh qotirmoqda, bu jarayonda kenja farzandning akalari ham faol ishtirok etishmoqda.
Oilada 14-o‘g‘il farzand ham dunyoga keladimi? “Hech qachon hech qachon demang”, - deya faylasufona javob berdi 13 o‘g‘ilning otasi.
Olimlarning so‘zlariga ko‘ra, bir oilada bir jinsga mansub 13 bolaning tug‘ilishi 8192 imkoniyatdan faqat bittasida yuz beradi.
Izoh (0)