O‘zbekiston Respublikasi Oliy va o‘rta maxsus ta’lim vazirligi Toshkent davlat iqtisodiyot universiteti olimlari inulin va fruktooligosaxarid olish usulini ixtiro qildi, deb yozadi Intellektual mulk agentligi rasmiy sayti.
Mazkur usul tibbiyot sohasining kimyo-farmatsevtika sanoatida foydalanish uchun mo‘ljallangan. Uning vazifasi texnologik jarayonni soddalashtirish, inulin sifatini oshirish, ishlab chiqarish sarflarini kamaytirgan holda tibbiyot va oziq-ovqat sanoati talablariga javob beradigan iste’molchilik xususiyatlariga ega bo‘lgan inulin va fruktooligosaxaridning chiqishini oshirishdan iborat.
Inulin va fruktooligosaxarid olish usulida havoda quritilgan topinambur (Helianthus tuberosus L.) tuganaklari maydalanadi, xomashyo suv bilan ekstraksiyalanadi, suyuq faza qalin mato orqali filtrlanadi. Keyin filtratga kalsiy karbonati qo‘shiladi va muttasil aralashtirib turgan holda 30 daqiqa davomida isitiladi. Hosil bo‘lgan qorishma filtrdan o‘tkazilganidan keyin, unga 96 foizli etil spirti qo‘shiladi, hosil bo‘lgan inulin cho‘kmasi sentrifugada ajratib olinadi, quritiladi va maydalanadi. Hosil bo‘lgan inulin cho‘kmasi ajratib olingach, vakuumda barqaror massa hosil qilingunga qadar bug‘lantiriladi va fruktooligosaxarid olinadi.
Mulliflar jamoasi — B.Yu.Hodiyev, D.A.Rahimov, S.A.Solihov, R.K.Rahmonberdiyeva, Z.R.Ahmedova, U.M.Azizov, M.S.Qosimov, B.B.Abduazimov va U.A.Hojiyevaga ushbu ixtiro uchun № IAP 05031 raqamli patent berildi.
Izoh (0)