Milliy matbuot markazida “Oziq-ovqat sanoati koxonalari ishlab chiqarish salohiyatini takomillashtirish — oziq-ovqat dasturini amalga oshirish muhim omili” mavzusida ommaviy axborot xodimlari uchun matbuot anjumani o‘tkazildi, deya xabar bermoqda “Turkiston-press”.
Soha mutasaddilarining ma’lum qilishicha, oziq-ovqat sanoati koxonalari uyushmasi bo‘yicha joriy yilning I choragida 991,1 milliard so‘mlik sanoat mahsulotlari ishlab chiqarildi va o‘sish sur’ati o‘tgan yilning shu davriga nisbatan 112,0 foizga ta’minlandi. Respublika bo‘yicha esa 2,9 trillion so‘mlik mahsulot ishlab chiqarilishiga erishildi.
I chorak davomida 98 nomdagi yangi oziq-ovqat mahsulotlari ishlab chiqarilishi yo‘lga qo‘yildi. Shundan 79 tasi qandolat, 5 tasi yog‘-moy mahsulotlari, 7 tasi meva-sabzavot konservalari, 3 tasi go‘sht va 4 tasi sut mahsulotlaridir.
Matbuot anjumanda 2015-yilda uyushma bo‘yicha korxonalarning o‘z mablag‘lari, bank kreditlari va xorijiy sarmoyalar evaziga 55,45 million dollar miqdorida investitsiya o‘zlashtirish belgilangani, shu jumladan, umumiy qiymati 26,37 million dollar bo‘lgan 44 ta loyiha to‘liq ishga tushirilishi va 317 ta ish o‘rinlari yaratilishi lozimligi ta’kidlandi. Yanvar—mart oylarida ishlab chiqarishni modernizatsiyalash, texnik va texnologik qayta jihozlash uchun 1,98 million dollar o‘rniga 3,29 million AQSh dollari miqdoridagi sarmoya yo‘naltirilib, bu boradagi istiqbol ko‘rsatkichi 166,7 foizga bajarildi.
Izoh (0)