Ўзбекистон Республикаси Олий ва ўрта махсус таълим вазирлиги Тошкент давлат иқтисодиёт университети олимлари инулин ва фруктоолигосахарид олиш усулини ихтиро қилди, деб ёзади Интеллектуал мулк агентлиги расмий сайти.
Мазкур усул тиббиёт соҳасининг кимё-фармацевтика саноатида фойдаланиш учун мўлжалланган. Унинг вазифаси технологик жараённи соддалаштириш, инулин сифатини ошириш, ишлаб чиқариш сарфларини камайтирган ҳолда тиббиёт ва озиқ-овқат саноати талабларига жавоб берадиган истеъмолчилик хусусиятларига эга бўлган инулин ва фруктоолигосахариднинг чиқишини оширишдан иборат.
Инулин ва фруктоолигосахарид олиш усулида ҳавода қуритилган топинамбур (Helianthus tuberosus L.) туганаклари майдаланади, хомашё сув билан экстракцияланади, суюқ фаза қалин мато орқали филтрланади. Кейин филтратга калсий карбонати қўшилади ва муттасил аралаштириб турган ҳолда 30 дақиқа давомида иситилади. Ҳосил бўлган қоришма филтрдан ўтказилганидан кейин, унга 96 фоизли этил спирти қўшилади, ҳосил бўлган инулин чўкмаси центрифугада ажратиб олинади, қуритилади ва майдаланади. Ҳосил бўлган инулин чўкмаси ажратиб олингач, вакуумда барқарор масса ҳосил қилингунга қадар буғлантирилади ва фруктоолигосахарид олинади.
Муллифлар жамоаси — Б.Ю.Ҳодиев, Д.А.Раҳимов, С.А.Солиҳов, Р.К.Раҳмонбердиева, З.Р.Аҳмедова, У.М.Азизов, М.С.Қосимов, Б.Б.Абдуазимов ва У.А.Ҳожиевага ушбу ихтиро учун № IAP 05031 рақамли патент берилди.
Изоҳ (0)