Oq uyning hozirgi xo‘jayini Barak Obamaning prezident kutubxonasi Amerikaning Illinoys shtati Chikago shahrida ochiladi, deya xabar bermoqda “TASS”. Associated Press manbalariga ko‘ra, ushbu tanlov bevosita Obama tomonidan qilingan.
Muassasa shaharning janubi-sharqiy qismidagi Chikago universiteti bazasida ochiladi. Taxminlarga ko‘ra, kutubxona Obamaning oilasi uyiga yaqin joyda joylashadi. Uning o‘rnini rasmiy tartibda bir necha hafta ichida e’lon qilishadi.
Obama 2005—2008-yillarda Illinoys shtati senatori bo‘lgan, Chikago universitetida 10 yildan oshiq vaqt huquqshunoslikdan dars bergan.
Prezidentlar nomi ostida kutubxona ochish an’anasi AQShda Franklin Ruzvelt davrida paydo bo‘lgan. U 1939-yilda o‘z kitoblarini AQSh federal hukumatiga topshirishini e’lon qilgan va o‘z yer-mulkidan muzey-kutubxona qurish uchun maydon ajratgan.
Izoh (0)