28-aprel kuni LG kompaniyasi o‘zining G4 flagman smartfonini rasman taqdim etdi, deya xabar bermoqda “3dnews.ru”. Uning jahon premyerasiga bag‘ishlangan tadbirlar birvarakayiga ikkita shahar — London va Nyu-Yorkda bo‘lib o‘tdi.
Taqdimotda yangi qurilma ikki xil variantdagi dizaynda namoyon bo‘ldi. Ulardan birining orqa korpusi original teksturaga ega bo‘lsa, ikkinchisi baxyalab tikilgan buzoq terisidan ishlangan.
Smartfon 5,5 dyuym va 2560×1440 pikselli ekran, 16 megapikselli asosiy va 8 megapikselli old kamera, 3 Gb tezkor va 32 Gb ichki xotira (+microSD), 3000 mA/s sig‘imli akkumulyatorga ega. LG G4 Android 5.1 Lollipop operatsion tizimida ishlaydi.
Uning o‘lchamlari 148,9×76,1×6,3—9,8 mm, og‘irligi 155 grammga teng.
Izoh (0)