AQShning Markaziy razvedka boshqarmasi sobiq xodimi bo‘lgan 78 yoshli Norman Xodjes og‘ir ahvolda shifoxonaga yotqizilgach 1959-yildan 1972-yilgacha AQSh hukumati uchun 37 ta qotillikni amalga oshirganini tan oldi, deb xabar bermoqda World News Daily Report.
41 yil davomida Markaziy razvedka boshqarmasida ishlagan Xodjesning so‘zlariga ko‘ra, uning qurbonblari orasida taniqli aktrisa Merilin Monro ham bo‘lgan. U aktrisani o‘ldirganidan afsuslanmasligini, chunki muassasa Monro nafaqat AQSh prezidenti Jon Kennedi bilan, balki Kuba yetakchisi Fidel Kastro bilan ham yaqin ishqiy munosabatda bo‘lgani haqida ma’lumotga ega bo‘lganini ta’kidlagan.
“U strategik muhim ma’lumotni kommunistlarga yetkazishi mumkin edi. Men bungacha ayol kishini o‘ldirmagandim, biroq buyruq olgandim. U uyqu dorisi dozasi oshirib yuborilishidan o‘lishi kerak edi. Men buni Amerika uchun qildim, chunki u o‘lishi kerak edi”, − dedi sobiq razvedkachi.
Xodjesning ta’kidlashicha, u mamlakat bo‘ylab siyosiy qotilliklarni amalga oshiruvchi besh kishidan iborat tezkor bo‘linmaning a’zosi bo‘lgan. Qurbonlarning ko‘pchiligi siyosiy faollar, jurnalistlar, birlashmalar yetakchilari, shuningdek olimlar va artistlar bo‘lgan.
Izoh (0)