АҚШнинг Марказий разведка бошқармаси собиқ ходими бўлган 78 ёшли Норман Ходжес оғир аҳволда шифохонага ётқизилгач 1959 йилдан 1972 йилгача АҚШ ҳукумати учун 37 та қотилликни амалга оширганини тан олди, деб хабар бермоқда World News Daily Report.
41 йил давомида Марказий разведка бошқармасида ишлаган Ходжеснинг сўзларига кўра, унинг қурбонблари орасида таниқли актриса Мерилин Монро ҳам бўлган. У актрисани ўлдирганидан афсусланмаслигини, чунки муассаса Монро нафақат АҚШ президенти Жон Кеннеди билан, балки Куба етакчиси Фидель Кастро билан ҳам яқин ишқий муносабатда бўлгани ҳақида маълумотга эга бўлганини таъкидлаган.
«У стратегик муҳим маълумотни коммунистларга етказиши мумкин эди. Мен бунгача аёл кишини ўлдирмагандим, бироқ буйруқ олгандим. У уйқу дориси дозаси ошириб юборилишидан ўлиши керак эди. Мен буни Америка учун қилдим, чунки у ўлиши керак эди», − деди собиқ разведкачи.
Ходжеснинг таъкидлашича, у мамлакат бўйлаб сиёсий қотилликларни амалга оширувчи беш кишидан иборат тезкор бўлинманинг аъзоси бўлган. Қурбонларнинг кўпчилиги сиёсий фаоллар, журналистлар, бирлашмалар етакчилари, шунингдек олимлар ва артистлар бўлган.
Изоҳ (0)