Ukraina bosh vaziri Arseniy Yatsenyukning ma’lum qilishicha, mamlakat NATO bilan harbiy-texnikaviy hamkorlik to‘g‘risida bitim imzolaydi, deb xabar bermoqda“Korrespondent.net”.
Ukraina bosh vazirining so‘zlariga ko‘ra, NATO bilan imzolanadigan bitim to‘rtta loyihani – harbiy-texnikaviy hamkorlik, aloqa vositalari, yangi kommunikatsiyalar va axborot texnologiyalari bo‘yicha ko‘mak berishni nazarda tutadi.
Yatsenyukning qayd etishicha, Ukraina o‘z qurolli kuchlarini “butun dunyoda tinchlik uchun kurash olib boruvchi” eng kuchli armiya va tuzilmalar, avvalo, NATO standartida qayta tiklashi kerak.
Avvalroq, agar zarurat tug‘ilsa, NATO Ukrainaga ko‘rsatilayotgan yordam ko‘paytirishi mumkinligi haqida xabar berilgan edi.
Izoh (0)