Tehronning yadroviy dasturi bo‘yicha yakuniy kelishuvga erishilib, Eronga nisbatan sanksiyalar bekor qilinadigan bo‘lsa, kelasi yili jahon bozorida bir barrel neft narxi 15 dollargacha tushib ketishi mumkin, deya xabar bermoqda “Korrespondent.net”.
Jahon energetika agentligi (JEA) ekspertlari taxminiga ko‘ra, Eron tomonidan jahon bozoriga neft yetkazib berilishining boshlanishi bilan mahsulot narxi 5-15 dollargacha tushib ketishi mumkin.
Agentlikning Erondagi vaziyat o‘zgarishi hisobga olinmay tayyorlangan prognoziga ko‘ra, 2016-yili jahon bozorida WTI turidagi neftning bir barreli narxi o‘rtacha 70 dollarga, Brent turidagi neft narxi esa 75,03 dollarga yetishi kerak.
Ma’lumot uchun, 8-aprel holatiga ko‘ra, London birjasida Brent neftining bir barreli qariyb 59 dollardan, Nyu-York tovar birjasida esa WTI turidagi neftning bir barreli deyarli 53 dollardan sotilmoqda.
Izoh (0)