Теҳроннинг ядровий дастури бўйича якуний келишувга эришилиб, Эронга нисбатан санкциялар бекор қилинадиган бўлса, келаси йили жаҳон бозорида бир баррель нефть нархи 15 долларгача тушиб кетиши мумкин, дея хабар бермоқда «Корреспондент.net».
Жаҳон энергетика агентлиги (ЖЕА) экспертлари тахминига кўра, Эрон томонидан жаҳон бозорига нефть етказиб берилишининг бошланиши билан маҳсулот нархи 5-15 долларгача тушиб кетиши мумкин.
Агентликнинг Эрондаги вазият ўзгариши ҳисобга олинмай тайёрланган прогнозига кўра, 2016 йили жаҳон бозорида WTI туридаги нефтнинг бир баррели нархи ўртача 70 долларга, Brent туридаги нефть нархи эса 75,03 долларга етиши керак.
Маълумот учун, 8 апрель ҳолатига кўра, Лондон биржасида Brent нефтининг бир баррели қарийб 59 доллардан, Нью-Йорк товар биржасида эса WTI туридаги нефтнинг бир баррели деярли 53 доллардан сотилмоқда.
Изоҳ (0)