Nepalda qo‘riqxonadan qochib chiqqan karkidon 61 yoshli ayolni o‘ldirib, yana olti kishiga jarohat yetkazdi, deya xabar bermoqda Agence France-Presse mahalliy politsiyaga tayanib.
Huquqni himoya qilish organlari vakili so‘zlariga ko‘ra, qo‘riqxonadan hodisa sodir bo‘lgan Xetauda shahrigacha bo‘lgan masofa taxminan 20 kilometrga teng.
Karkidonni shahardan avtomobillar va do‘mbiralar yordamida quvib chiqarmoqchi bo‘lishgan. Baland tovush hayvonni qo‘rqitishiga umid qilishgan, biroq bunday bo‘lmagan. Karkidon bir tumandan ikkinchisiga yugurib-yelib, mahalliy bozorlar va hatto kasalxonaga kirib olib, odamlarni qo‘rqitgan.
Ayni paytda hali ham shahar ichida bo‘lgan jonivor tinchlandi. Hukumat uni o‘ldirmoqchi emasliklarini ma’lum qildi va trankvilizatorlar yordamida uni tinchlantirish uchun mutaxassislarni chaqirdi. Endi karkidonni qaytadan qo‘riqxonaga haydab kirish uchun qo‘lga o‘rgatilgan fillarni jalb qilish rejalashtirilmoqda.
Izoh (0)