Buyuk Britaniya Saudiya Arabistoni tomonidan Yamanda o‘tkazilayotgan harbiy operatsiyani qo‘llab-quvvatlaydi. Bu haqda Birlashgan Qirollik tashqi ishlar vazirligi bayonotida aytiladi, deya xabar bermoqda “TASS”.
“Biz prezident Abdu Rabbo Mansur Hodiy Yaman himoyasi uchun zarur ko‘makni taqdim etish so‘rovi bilan murojaat qilgach, Saudiya Arabistoni Yamandagi vaziyatga aralashuvini qo‘llab-quvvatlaymiz”, — deyiladi muassasa bayonotida.
Birlashgan Qirollik TIV xalqaro hamjamiyat Yamanda uzoq muddatli barqarorlikka erishish, fuqarolar urushi, iqtisodiy inqiroz, gumanitar krizisga yo‘l qo‘ymaslik uchun diplomatik va gumanitar ko‘mak ko‘rsatishda davom etishini ta’kidladi.
26-mart, payshanbaga o‘tar kechasi Saudiya Arabistoni shia isyonchilariga qarshi operatsiya boshlanganini e’lon qildi, unda yana to‘qqiz davlat qatnashmoqda. Ar-Riyod xusiylarga qarshi 100 ta qiruvchi samolyot va 150 mingta askar jo‘natdi.
Izoh (0)