Буюк Британия Саудия Арабистони томонидан Яманда ўтказилаётган ҳарбий операцияни қўллаб-қувватлайди. Бу ҳақда Бирлашган Қироллик ташқи ишлар вазирлиги баёнотида айтилади, дея хабар бермоқда ТАСС.
«Биз президент Абду Раббо Мансур Ҳодий Яман ҳимояси учун зарур кўмакни тақдим этиш сўрови билан мурожаат қилгач, Саудия Арабистони Ямандаги вазиятга аралашувини қўллаб-қувватлаймиз», — дейилади муассаса баёнотида.
Бирлашган Қироллик ТИВ халқаро ҳамжамият Яманда узоқ муддатли барқарорликка эришиш, фуқаролар уруши, иқтисодий инқироз, гуманитар кризисга йўл қўймаслик учун дипломатик ва гуманитар кўмак кўрсатишда давом этишини таъкидлади.
26 март, пайшанбага ўтар кечаси Саудия Арабистони шиа исёнчиларига қарши операция бошланганини эълон қилди, унда яна тўққиз давлат қатнашмоқда. Ар-Риёд хусийларга қарши 100 та қирувчи самолёт ва 150 мингта аскар жўнатди.
Изоҳ (0)