Janubiy Koreya prezidenti KXDRni “provokatsiyalar”dan tiyilishga chaqirdi

Janubiy Koreya prezidenti Pak Kin Xe KXDRni Pxenyanning Janubiy Koreyaning “Chxonan” korveti halokati bilan bog‘liq hodisaga aloqador emasligini ta’kidlaganiga javoban “provokatsiya” qilmaslikka chaqirdi, deb yozadi “RIA Novosti”.

“Umid qilamanki, Shimoliy Koreya bundan buyon bemulohaza provokatsiyalardan voz kechadi va uni yadro quroli himoya qila oladi deb o‘ylashni bas qiladi”, — dedi Pak Kin Xe.

Uning so‘zlariga ko‘ra, agar KXDR “izolyatsiyadan chiqsa, quvg‘indi bo‘lishdan to‘xtaydi va haqiqiy o‘zgarishlar yo‘lini boshlaydi, yangi Koreya yarim orolini yaratish imkoniyati yuzaga keladi”.

Eslatib o‘tamiz, avvalroq KXDR Seuldan 2010-yili Janubiy Koreyaning “Chxonan” korveti halokatga uchraganidan so‘ng Pxenyanga nisbatan joriy etilgan “24-may” sanksiya choralarini bekor qilishni talab etgan edi.

Arizada ta’kidlanishicha, Pxenyan “KXDR aloqador bo‘lmagan ushbu hodisa yuzasidan uzr so‘rash niyati yo‘q”. “Agar Seul ‘24-may’ choralarini saqlab qolish ustida qat’iy turib olsa, KRning hozirgi hukumati ham Li Myon Bak kabi Koreya xalqi xoinlari deb hisoblanadi”, — deya ogohlantirdi qo‘mita vakili.