Rossiya prezidenti matbuot kotibi Dmitriy Peskov Checheniston parlamenti rahbari Dukuvaxa Abdurahmonovning “Meksika partizanlari”ga eng yangi qurollarni yetkazib berishni boshlash haqidagi tahdidlarini Rossiya qonunchiligiga zid deb atadi. Bu haqda “Novaya gazeta” xabar berdi.
“Bunday bayonotlar Moskva bilan kelishilgan holda berilgan emas. RF subyektlari chet elga maxsus mulkni yetkazib bera olmaydi va sotolmaydi ham. Bu amaldagi qonunchiligimiz bo‘yicha mumkin emas”, — dedi Peskov.
Checheniston parlamenti spikeri Abdurahmonov 24-mart kuni kongressmenlarning AQSh prezidentiga yo‘naltirilgan Kiyevga qurol-yarog‘ yetkazib berish haqidagi talabini nazarda tutib, o‘z hamkasblarini “o‘ylab ko‘rish”ga chaqirdi va aks holda shunga yarasha javob qilishini aytib tahdid qildi.
Izoh (0)