Rossiya prezidenti Davlat dumasiga Markaziy Osiyodagi yadro qurolidan xoli hudud to‘g‘risidagi bitim protokolini ratifikatsiya qilish uchun kiritdi, deya xabar bermoqda “Rossiyskaya gazeta”. Hujjat Dumaning elektron ma’lumotlar bazasiga joylashtirildi.
“Protokol ratifikatsiyasi RFning yadro qurolini tarqatmaslik rejimini mustahkamlashga qo‘shgan qo‘shimcha yirik hissasi bo‘ladi”, — deyiladi tushuntirish xatida.
Bitim 2006-yil sentabrida Semipalatinskda Qozog‘iston, Qirg‘iziston, Tojikiston, Turkmaniston va O‘zbekiston vakillari tomonidan imzolangan edi.
Izoh (0)