Mamlakatning turistik jozibasini oshirish hamda respublika yo‘l va sayyohlik infratuzilmasini yanada rivojlantirish maqsadida Vazirlar Mahkamasi “Yo‘l va sayyohlik infratuzilmasini rivojlantirish bo‘yicha chora-tadbirlar to‘g‘risida” qaror qabul qildi, deb yozadi “O‘zbekturizm” MK rasmiy sayti.
Hujjatda respublikaning 125 ta avtomobilni gaz bilan to‘ldirish kompressor stansiyalari hamda 27 ta madaniy meros obyektlari va madaniy-ko‘ngilochar muassasalar hududlaridagi sanitar-gigiyenik punktlarda qurilish va rekonstruksiya ishlari olib borish belgilangan.
Shu munosabat bilan “O‘zbekturizm” MK va O‘zbekiston Respublikasining Arxitektura va qurilish davlat qo‘mitasiga bir oy muddatda shaharsozlik qoida va me’yorlariga muvofiq ravishda zamonaviy sanitar-gigiyenik inshootlarning namunaviy loyihasini ishlab chiqish yuklatildi.
Izoh (0)