Checheniston rahbari Ramzan Qodirov shayx Muhammad Sodiq Muhammad Yusuf hazratlari vafoti munosabati bilan ta’ziya bildirdi.
“Butun hayotini Muqaddas Qur’on va Payg‘ambar (s.a.v.) Sunnasini o‘rganishga sarflagan buyuk shaxs olamdan o‘tdi. U o‘zining bebaho bilimlarini butun dunyodagi o‘quvchilariga berdi”, — deb yozdi u.
Qodirov otasi Ahmad Hoji Qodirov shayxning yaqin do‘sti bo‘lgani, shayx imom Buxoriy nomidagi Toshkent islom institutida otasiga dars berganini aytib o‘tdi.
“Chechenistondagi barcha masjid va aholi punktlarida shayx xotirasiga duolar o‘qilmoqda. Men Grozniydagi ko‘chalardan birini uning nomi bilan atamoqchiman”, — deya o‘z xabariga yakun yasadi Qodirov.
Izoh (0)