Buyuk Britaniyada dunyodagi eng keksa barmen ayol vafot etdi

Buyuk Britaniyada dunyodagi eng keksa barmen ayol Dolli Sevill 101 yoshida vafot etdi, deya xabar bermoqda “Korrespondent.net”. Dolli Sevill bar ortida jami 74 yildan oshiq vaqt davomida ishlagan.

1940-yilda Dolli Angliya markazidagi Bakingemshir grafligida joylashgan Vendover shahrida “Qizil sher” mehmonxonasi barida ish boshlagan.

Sevill Berkshir grafligidagi Iton shahrida tug‘ilgan. 14 yoshida maktabni tashlab, oqsoch bo‘lib ishga kirgan. 19 yoshida turmushga chiqib, ikki farzand ko‘rgan.

Dolli Sevilldan uch nevarasi, uch evarasi va bir chevarasi qoldi.