O‘zbekistonda Xitoyning Elephone kompaniyasiga tegishli P8 Pro smartfoni sotila boshladi, deya xabar bermoqda “Mobinfo.uz”.
Yangi qurilmaning dizayni Samsung Galaxy Note’ning so‘nggi versiyasini eslatadi. Uning korpusi alyuminiy va magniy qotishmasidan ishlangan rom bilan hoshiyalangan, orqa paneli charmsifat ko‘rinishga keltirilgan plastikdan qilingan, chetlari esa sal o‘yiq bo‘lib, bu uning qo‘lga yaxshi ilashishini ta’minlaydi.
Elephone P8 Pro 5,7 dyuym, 1280×720 pikselli displey, 8 yadroli MT6592 protsessori, 2 Gb tezkor va 16 Gb ichki xotira, shuningdek 13 megapikselli asosiy va 2 megapikselli old kameraga ega. Smartfon akkumulyatori sig‘imi 2650 mA/s ga teng. U Android 4.4.2 operatsion tizimida ishlaydi. Poytaxtdagi “Fleshka” savdo majmuasida Elephone P8 Pro’ni 850 ming so‘mga xarid qilish mumkin.
Izoh (0)