Ўзбекистонда Хитойнинг Elephone компаниясига тегишли P8 Pro смартфони сотила бошлади, дея хабар бермоқда «Mobinfo.uz».
Янги қурилманинг дизайни Samsung Galaxy Note’нинг сўнгги версиясини эслатади. Унинг корпуси алюминий ва магний қотишмасидан ишланган ром билан ҳошияланган, орқа панели чармсифат кўринишга келтирилган пластикдан қилинган, четлари эса сал ўйиқ бўлиб, бу унинг қўлга яхши илашишини таъминлайди.
Elephone P8 Pro 5,7 дюйм, 1280×720 пикселли дисплей, 8 ядроли МТ6592 процессори, 2 Гб тезкор ва 16 Гб ички хотира, шунингдек 13 мегапикселли асосий ва 2 мегапикселли олд камерага эга. Смартфон аккумулятори сиғими 2650 мА/с га тенг. У Android 4.4.2 операцион тизимида ишлайди. Пойтахтдаги «Флешка» савдо мажмуасида Elephone P8 Pro’ни 850 минг сўмга харид қилиш мумкин.
Изоҳ (0)