Dunyo mehmonxonalaridagi Wi-Fi sifatini baholash bo‘yicha servis — Hotel Wi-Fi Test mehmonxonalarda Wi-Fi sifati va bepul Wi-Fi imkoniyatidan kelib chiqib, shaharlar, mamlakatlar va mintaqalar reytingini tuzdi. Bu haqda “Podrobno.uz” xabar berdi.
Mamlakatlar bo‘yicha reytingda birinchi o‘rinni Janubiy Koreya egalladi, u yerdagi mehmonxonalarning 92 foizida sifatli Wi-Fi taqdim etiladi. Yuqori beshlikka Yaponiya (84,9%), Ukraina (82,1%), Shveysariya (79,8%) va Ruminiya (78%) ham kirdi.
Dunyoning eng yirik shaharlari orasida mehmonxonalaridagi Wi-Fi sifati bo‘yicha Stokgolm, Budapesht, Tokio, Dublin va Monreal yetakchilik qildi. Moskva ushbu ro‘yxatda yettinchi o‘rinni egalladi.
Shuningdek, uchta mintaqa — Yevropa, Osiyo va AQSh mehmonxonalaridagi Wi-Fi sifati baholandi. Natijada eng sifatli Wi-Fi’ni Osiyo mehmonxonalari taqdim etishi aniqlandi: u yerdagi mehmonxonalarning 85 foizida sifatli Wi-Fi tarqatiladi. Yevropa va AQShdagi ko‘rsatkichlar tegishli ravishda 46 va 35 foizni tashkil etdi.
Izoh (0)