Eero startap kompaniyasi zamonaviy Wi-Fi routerlardagi barcha kamchiliklardan xoli bo‘lgan yangi gadjetni taqdim etdi, deya xabar bermoqda “Vesti.ru”. U uyda “o‘lik” signalli zonalar vujudga kelishiga yo‘l qo‘ymaydi, shuningdek tarmoq xavfsizligini oshiradi.
Uchta kichik Eero qurilmalaridan iborat tizim bir vaqtning o‘zida marshrutizator, retranslyator va diapazonni kengaytiruvchi sifatida ishlaydi. Maxsus mobil dastur yordamida foydalanuvchi routerlar tizimi ishlashi ustidan nazorat qilishi, uni boshqarishi mumkin. U Wi-Fi’ga avtomatik ravishda ulanishi, tarmoqqa nechta qurilma ulangani, ularning har biri qancha trafik yeyayotganini ko‘rish mumkin. Gadjet tizim ishining barqarorligini oshiruvchi yangilanmalarni avtomatik ravsihda o‘rnatadi.
Ushbu qurilmaning yagona kamchiligi sifatida uning narxini aytish mumkin: avvaldan buyurtma berish orqali gadjetlarning har birini 125 dollardan sotib olish mumkin. Uchta qurilmadan iborat komplekt esa 300 dollarga tushadi.
Izoh (0)