2015-yilning 21-yanvar kuni Tashqi ishlar vaziri Abdulaziz Komilov Amerika Qo‘shma Shtatlarining O‘zbekiston Respublikasiga yangi tayinlangan Favqulodda va muxtor elchisi Pamela Leura Spratlenni qabul qildi. Bu haqda O‘zbekiston Respublikasi Tashqi ishlar vazirligining rasmiy saytida xabar berildi.
Elchi ishonch yorliqlari nusxasini topshirdi.
Uchrashuv davomida O‘zbekiston va AQSh o‘rtasidagi munosabatlarning holati hamda 2014-yil 1—2-dekabr kunlari Toshkent shahridagi o‘zaro siyosiy maslahatlashuvlarning beshinchi raundi doirasida erishilgan kelishuvlarning amalga oshish jarayoni muhokama qilindi.
Suhbat chog‘ida siyosiy, savdo-iqtisodiy, madaniy-gumanitar va boshqa sohalardagi hamkorlikni rivojlantirishning istiqbolli yo‘nalishlariga alohida e’tibor qaratildi.
Shuningdek, ba’zi xalqaro va mintaqaviy masalalar yuzasidan ham fikr almashildi.
Izoh (0)