2015 йилнинг 21 январь куни Ташқи ишлар вазири Абдулазиз Комилов Америка Қўшма Штатларининг Ўзбекистон Республикасига янги тайинланган Фавқулодда ва мухтор элчиси Памела Леура Спратленни қабул қилди. Бу ҳақда Ўзбекистон Республикаси Ташқи ишлар вазирлигининг расмий сайтида хабар берилди.
Элчи ишонч ёрлиқлари нусхасини топширди.
Учрашув давомида Ўзбекистон ва АҚШ ўртасидаги муносабатларнинг ҳолати ҳамда 2014 йил 1—2 декабрь кунлари Тошкент шаҳридаги ўзаро сиёсий маслаҳатлашувларнинг бешинчи раунди доирасида эришилган келишувларнинг амалга ошиш жараёни муҳокама қилинди.
Суҳбат чоғида сиёсий, савдо-иқтисодий, маданий-гуманитар ва бошқа соҳалардаги ҳамкорликни ривожлантиришнинг истиқболли йўналишларига алоҳида эътибор қаратилди.
Шунингдек, баъзи халқаро ва минтақавий масалалар юзасидан ҳам фикр алмашилди.
Изоҳ (0)