LG kompaniyasi dunyodagi eng yengil 14 dyuymli noutbukni taqdim etdi

LG Electronics kompaniyasi Broadwell apparat platformasi turkumiga kiruvchi beshinchi avlod Intel Core protsessorida ishlaydigan Ultra PC ultrabukini taqdim etdi. Bu haqda LG Electronics axborotiga tayanib, “Kun.uz” xabar bermoqda.

Kompaniya o‘z mahsulotini dunyodagi 14 dyuymli eng yengil noutbuk deb atamoqda. Model hajmi 324 × 225 × 13,4 millimetr, og‘irligi esa 980 grammga teng. Ultrabuk 8 GB tezkor hamda 128 GB doimiy (256 GB versiyasi ham mavjud) xotiraga ega.

Shuningdek, noutbukda Wi-Fi 802.11ac va Bluetooth modullari, 2 ta USB 3.0 porti, Micro-USB hamda HDMI ham mavjud. Windows 8.1 operatsion sistemasida ishlaydigan Ultra PC bir to‘liq zaryadda 10,5 soat ishlashi mumkin.

Hozircha noutbukning narxi haqida ma’lumot berilmadi.