Dunyodagi eng yirik ijtimoiy tarmoq Facebook AQShda foydalanuvchilarga ular yashaydigan tumanda yo‘qolgan bolalar haqidagi xabarlarni ko‘rsata boshladi. Bu haqda Facebook korporativ blogida aytiladi.
Tashabbus Facebook’ning AQShda yo‘qolgan yoki zo‘ravonlikka uchragan bolalarni qidirish bilan shug‘ullanuvchi National Center for Missing and Exploited Children tashkiloti bilan hamkorligi doirasida amalga oshirilmoqda.
Dastlab politsiya bola yo‘qolgani bilan bog‘liq hodisani tekshirib, uni AMBER Alert e’lon tizimiga kiritish mumkin-mumkin emasligini aniqlaydi. So‘ng markaz bola yo‘qolgani to‘g‘risidagi e’lonni chiqaradi va u Facebook tizimiga kelib tushadi.
AMBER Alert AQSh va Kanadada bolalar yo‘qolgani to‘g‘risida e’lon berish tizimidir. U axborotni turli usullar: radiostansiyalar, telekanallar, elektron pochta, SMS, axborot tablosi va boshqalar orqali tarqatishni ko‘zda tutadi.
Izoh (0)