Mahalliy Artel kompaniyasi Artel P1 mini smartfonining ayollar uchun maxsus versiyasini chiqardi, deya xabar bermoqda “Mobinfo.uz”.
Artel Anor deb nomlangan ushbu model qizil korpusda bo‘lib, u iste’molchilarga maxsus o‘ramda taqdim etiladi. Qurilma xaridorlari sovg‘a sifatida qimmatbaho toshli zirak sohibalariga aylanadi.
Smartfon qirmizi korpusidan tashqari, Artel P1 mini’dan hech ham farq qilmaydi.
Eslatib o‘tamiz, Artel P1 mini’ga 4 dyuym 800×480 pikselli displey, 1,3 GGs chastotaga ega ikki yadroli protsessor, 0,3 megapikselli old va 5 megapikselli orqa kamera, 512 Mb tezkor va 4 Gb ichki xotira (+MicroSD), 1600 mA·soat quvvatga ega batareya o‘rnatilgan. U ikki SIM-kartali va Android 4.2 operatsion tizimida ishlaydi.
Poytaxtdagi “Fleshka” savdo majmuasida Artel Anor smartfoni 410 ming so‘mdan sotilmoqda. Taqqoslash uchun, Artel P1 mini’ni bu yerda 320 ming so‘mga xarid qilish mumkin.
Izoh (0)