Toshkentda Huawei Ascend G7 smartfonini 1,25 mln so‘mga xarid qilish mumkin

Huawei kompaniyasining Ascend G7 smartfoni O‘zbekistonda sotila boshladi, deya xabar bermoqda “Mobinfo.uz”. U kuzda Berlindagi IFA 2014 ko‘rgazmasi doirasida taqdim etilgan edi.

Kuchli 64 bitli protsessoridan tashqari, yangi qurilma o‘zining nanoquyish texnologiyasi (Nano Molding Technology) bo‘yicha yasalgan metall korpusi bilan ajralib turadi.

Huawei Ascend G7 1280×720 piksel 5,5 dyuymli Full HD IPS displey, 8 yadroli Huawei Kirin 925 protsessori, 2 Gb tezkor va 16 Gb ichki xotira (+MicroSD) bilan ta’minlangan.

Qurilma 13 megapikselli asosiy va 5 megapikselli old kameraga ega. Smartfonning o‘lchamlari 153,5×77,3×7,6 mm, og‘irligi 165 grammga teng.

Ascend G7 akkumulyatori sig‘imi 4100 mA/soat ni tashkil etadi. Smartfon korpusining orqa qismida barmoq izi skaneri joylashgan. Qurilma Android KitKat 4.4 operatsion tizimida ishlaydi.

Huawei Ascend G7 poytaxtdagi “Fleshka” savdo majmuasida 1,25 million so‘mdan sotilmoqda.