Toshkent hayvonot bog‘i suratlariga ega fuqarolardan ularni bog‘ ma’muriyatiga taqdim etish so‘ralmoqda

Toshkent hayvonot bog‘i o‘zining 90 yillik yubileyi tadbirlari doirasida ushbu muhim sanaga bag‘ishlangan turli bosma mahsulotlarni nashr etishni rejalashtirmoqda. Bu haqda bog‘ ma’muriyati axborotiga tayanib, “Uz24.uz” xabar bermoqda.

Qayd etilishicha, hozirda hayvonot bog‘i tarixini yoritish uchun turli yillar davomida eski va yangi hududlarda ishlangan arxiv fotosuratlar va materiallarni to‘plash ishlari olib borilmoqda. Shu munosabat bilan ushbu bog‘ning umumiy ko‘rinishi va hayvonlari tasvirlangan fotosuratlarga ega bo‘lgan yurtdoshlarimizdan hayvonot bog‘i ma’muriyatiga murojaat qilishi so‘ralmoqda. Lozim topilgan materiallar tarixiy to‘plamlardan, hayvonot bog‘i saytining fotogalereyasidan joy oladi.

Suratlar ipzoo@mail.ru manzili orqali qabul qilinadi. Asl nusxada qabul qilingan suratlar olingandan so‘ng, egasiga qaytariladi.