Xitoy politsiyasi kamida 12 kishini kollektiv ravishda o‘z joniga qasd qilishga urinishdan to‘xtatib qoldi, deb yozadi Xinhua. Investorlar guruhi ularni venchur fondi aldagach, bunday ishga qo‘l urmoqchi bo‘lgan.
Bu odamlar 4-yanvar, yakshanba kuni Shimoliy Xitoyning Shochjou shahar okrugidagi olti qavatli ma’muriy bino tomiga ko‘tarilib, u yerdan sakrash bilan tahdid etgan. Ular hukumatdan Shanxi Heli venchur firmasi rahbari pullarni o‘g‘irlab, qochib qolgani bilan bog‘liq vaziyatga aralashishni talab qildi. Voqea joyiga politsiyachilar va yong‘in-qutqaruv xizmatlari yetib keldi, ular investorlarni o‘z joniga qasd etish fikridan qaytarishga muvaffaq bo‘ldi.
Venchur kompaniyasining uch nafar vakili mablag‘larni noqonuniy ravishda qo‘lga kiritganlikda ayblanib hibsga olindi, fond rahbari esa topilganicha yo‘q.
Izoh (0)