Shimoliy Koreya hukumati Vashingtonning yangi cheklov choralarini KXDRga nisbatan asossiz va dushmanona siyosatning bir qismi deb hisoblaydi. Bu haqda “STAK” agentligiga tayanib, Interfax xabar berdi.
Agentlik xabarida ta’kidlanishicha, Oq uy tomonidan Shimoliy Koreyaga qarshi kiritilgan sanksiyalar “AQSh KXDRga nisbatan qon-qoniga singib ketgan xush ko‘rmaslik va dushmanlik hissiyotidan voz kechishdan yiroq ekanligini ko‘rsatadi”.
2-yanvar kuni AQSh Sony Pictures bilan bog‘liq mojaro tufayli KXDRdagi uchta korxona va 10 kishiga nisbatan sanksiyalar e’lon qildi. Vashington kinokompaniyaga uyushtirilgan kiberhujumlarda Shimoliy Koreyaning qo‘li bor deb hisoblaydi, biroq Pxenyan bu ayblovni rad etmoqda.
Izoh (0)