Хитой полицияси камида 12 кишини коллектив равишда ўз жонига қасд қилишга уринишдан тўхтатиб қолди, деб ёзади Xinhua. Инвесторлар гуруҳи уларни венчур фонди алдагач, бундай ишга қўл урмоқчи бўлган.
Бу одамлар 4 январь, якшанба куни Шимолий Хитойнинг Шочжоу шаҳар округидаги олти қаватли маъмурий бино томига кўтарилиб, у ердан сакраш билан таҳдид этган. Улар ҳукуматдан Shanxi Heli венчур фирмаси раҳбари пулларни ўғирлаб, қочиб қолгани билан боғлиқ вазиятга аралашишни талаб қилди. Воқеа жойига полициячилар ва ёнғин-қутқарув хизматлари етиб келди, улар инвесторларни ўз жонига қасд этиш фикридан қайтаришга муваффақ бўлди.
Венчур компаниясининг уч нафар вакили маблағларни ноқонуний равишда қўлга киритганликда айбланиб ҳибсга олинди, фонд раҳбари эса топилганича йўқ.
Изоҳ (0)