Шимолий Корея ҳукумати Вашингтоннинг янги чеклов чораларини КХДРга нисбатан асоссиз ва душманона сиёсатнинг бир қисми деб ҳисоблайди. Бу ҳақда «ЦТАК» агентлигига таяниб, Interfax хабар берди.
Агентлик хабарида таъкидланишича, Оқ уй томонидан Шимолий Кореяга қарши киритилган санкциялар «АҚШ КХДРга нисбатан қон-қонига сингиб кетган хуш кўрмаслик ва душманлик ҳиссиётидан воз кечишдан йироқ эканлигини кўрсатади».
2 январь куни АҚШ Sony Pictures билан боғлиқ можаро туфайли КХДРдаги учта корхона ва 10 кишига нисбатан санкциялар эълон қилди. Вашингтон кинокомпанияга уюштирилган киберҳужумларда Шимолий Кореянинг қўли бор деб ҳисоблайди, бироқ Пхеньян бу айбловни рад этмоқда.
Изоҳ (0)