Shou-biznes olamiga qadam qo‘yganiga ancha vaqt bo‘lgan bo‘lsa-da, orada uzoq vaqt tanaffus qilgan xushovoz xonanda Sarvara san’at olamida ko‘rinmay qolgandi. Hattoki, Sarvara endi ijod qilmaydi, degan fikrlar ham quloqqa chalingandi, deb xabar bermoqda “Popcorn.uz”.
Biroq, xonanda bu kabi mish-mishlarga chek qo‘yish maqsadida yana san’at olamiga qaytganini ma’lum qildi. Ijodiy tanaffusning o‘ziga xos sabablari bo‘lishiga qaramay, ayni kunda yangidan-yangi taronalar ustida ishlayotgan Sarvaraning “Qish” nomli qo‘shig‘i bugun, 5-dekabr kuni “O‘zbegim taronasi” radiosi orqali premyera sifatida taqdim etildi. Taniqli shoir Xurshid Davron qalamiga mansub bo‘lgan she’r asosida yaratilgan qo‘shiq uchun Farhod Abdullayev musiqa bastalagan.
Ijodkorning tinglovchilari uchun atagan bugungi sovg‘asi ayni mavsumbop hisoblanadi. Yana shuni ham aytib o‘tish joiz, Sarvara ayni vaqtda o‘zining konsert dasturini taqdim etish istagida vodiy bo‘ylab uch kunlik gastrol safariga jo‘nab ketgan.
2015-yilning yanvar oyida esa “Istiqlol” san’at saroyida o‘zining navbatdagi yakkaxon konsert dasturini ko‘p yillik, sog‘ingan muxlislari uchun taqdim etish istagida.
Izoh (0)