AQSh Respublikachilar partiyasi Milliy qo‘mitasi xodimasi Elizabet Lauten Obamaning qizlari Sasha va Maliyani “hurmatsizlik” va o‘z darajalariga nomunosiblikda ayblagani uchun uzr so‘radi. Bu haqda “RIA Novosti” xabar berdi.
“Hurmatli Sasha va Maliya, men sizlarning qiyin o‘tish davrini boshdan kechirayotganlaringizni tushunaman. Biroq sizlar davlatning birinchi shaxslari oila a’zolari hisoblanasiz, shunga munosib bo‘lishga harakat qiling. Hech bo‘lmasa, o‘ynayotgan rollaringizni hurmat qiling”, — deb yozgan edi Elizabet o‘zining Facebook’dagi sahifasida. Bundan tashqari, u prezidentning qizlarini sipo kiyinishga va televizion efirlar vaqtida “aftlarini burishtirmaslikka” chaqirgan edi.
Elizabetning bu gaplari ijtimoiy tarmoqlarda shiddatli tanqidlarga sabab bo‘ldi. Respublikachilar partiyasi xodimasi esa o‘z posti uchun uzr so‘rashga va uni o‘chirib tashlashga majbur bo‘ldi.
Izoh (0)