Rossiya favqulodda vaziyatlar vazirligi Donbass uchun gumanitar yordam ortilgan avtomobillar kolonnasini tuzdi. Bu haqda FVV vakili Oleg Voronovga tayanib, “Segodnya” xabar berdi.
“Kolonna tarkibida 100 dan ortiq avtomobil bor, ular Donbassga 1200 tonna gumanitar yordam yetkazadi”, — dedi Voronov.
Uning aytishicha, yukning asosiy qismini shisha va tomga yopiladigan materiallar, shuningdek oziq-ovqat mahsulotlari tashkil etadi. Voronov yukning Donetsk va Lugansk hukumatlari buyurtmalariga ko‘ra shakllantirilganini ta’kidladi.
O‘z navbatida Ukraina gumanitar yuklar xalqaro amaliyotga muvofiq ravishda yetkazilishi va tarqatilishini, bu ish bilan Qizil Xoch Xalqaro qo‘mitasi shug‘ullanishini talab qilmoqda.
Izoh (0)