Toshkent ikkilamchi uy bozoridagi o‘rtacha taklif narxi oktabr oyi yakunlariga ko‘ra 1 kvadrat metr uchun 776 shartli birlikni tashkil etdi. Bu haqda Credo Max Estimation baholash tashkilotiga tayanib, “Gazeta.uz” xabar berdi.
Sentabr bilan taqqoslaganda (767 sh. b.) kvartira narxlari 1 foizga o‘sdi. Shu bilan birga, panel uylardagi kvartiralar o‘rtacha narxi 746 sh. b. (sentabrda — 734, +2%), g‘isht uylardagi — 815 sh. b. (810, +1%)ni tashkil qildi.
Oktabr oyida Toshkentdagi 11 tumandan 8 tasida kvartira narxlari oshgan, 3 ta tumanda esa narxlar deyarli o‘zgarmagan.
Sirg‘ali (1 kvadrat metr uchun 623 sh. b. gacha o‘sgan), Yashnobod (718), Uchtepa (780) va Chilonzor (820) tumanlarida narxlar eng ko‘p — 3 foizga oshgan.
Mirzo Ulug‘bek (782), Olmazor (784) va Shayxontohur (873) tumanlarida narxlar kamroq — 1 foizga o‘sgan. Bektemir tumanida esa narxlar 2 foizga oshgan.
Mirobod (786), Yunusobod (790) va Yakkasaroy (829) tumanlarida narxlar o‘zgarishsiz qolgan.
Izoh (0)