AQSh hukumati yengil motorli kichik samolyotlarga o‘rnatilgan maxsus qurilma orqali millionlab amerikaliklar mobil telefonlaridagi ma’lumotlarni yig‘adi. Bu haqda The Wall Street Journal’ga tayanib, “TASS” xabar berdi.
“AQSh adliya vazirligi qoshida taxminan 2007-yildan buyon faoliyat ko‘rsatadigan sud ijrochilari xizmati tomonidan amalga oshiriladigan ushbu dasturda Cessna samolyotlaridan foydalaniladi. Ular Amerikaning beshta yirik aeroportidan parvoz qilib, deyarli butun AQSh hududini qamrab oladi”, — deyiladi xabarda.
“Mazkur dasturning maqsadi tergov ostida bo‘lgan shaxslar, jumladan qotillar va narkotiklar bilan savdo qiluvchilarning mobil telefonlari joylashgan joyni aniqlashdan iborat. Biroq uning davomida hech narsada gumon qilinmayotgan kishilar telefonlari haqida ham ma’lumot to‘planadi”, — deya qayd etadi gazeta.
AQSh adliya vazirligi vakillari esa bunday dastur mavjudligi haqidagi xabarni tasdiqlagani ham rad etgani ham yo‘q.
Izoh (0)